Betra seint en aldrei

Langur tími síðan að ég skrifaði fréttir af okkur og margt sem hefur borið á daga okkar síðan þá. Er of langt að telja allt saman upp en í fljótu bragði þá fluttum við frá Ási til Elverum í lok júní. Fengum að vísu ekki íbúð í Elverum fyrr en 1. ágúst þannig að við flutum okkar hafurtask inn í skógin til Ola. Þar vorum við í góðu yfirlæti þar til við Svavar flugum heim til Íslands um miðjan júlí. Svavar fór austur í föðurhús en ég stóð,  ásamt hjálp góðra vina og fjölskyldu, í ströngu við að umpakka dótinu mínu á Íslandi til að flytja hluta af því út til Noregs. Svo þurfti ég að skreppa vestur á Patró út af lokaverkefninu mínu og var ég mjög heppin með veður og hvet ég alla sem leggja leið sína vestur á land að kíkja á Sjóræningjasafnið á Patreksfirði. Ola kom svo til Íslands viku seinna og keyrðum við austur á Höfn ásamt mömmu. Heimsóknum Elínborgu ömmu, Guðrúnu Ósk og fjölskyldu, ásamt því að hitta á nokkra vini og ættingja. Heimsóknum svo Hrefnu, Heimir og börn í sumarbústaðinn í Grímsnesi. Alltof stutt stopp á landinu fagra en fengum frábært veður og stoppum lengur næst. Við Ola komu svo til Noregs 29. júní og ég fékk íbúðina þann 1. ágúst og fór talsverður tími í að koma öllu í rétt horf.

Athugasemdir

[Anna Viðarsdóttir, 15.9.2008 kl. 20:35]

Gott að heyra að það er allt að ganga upp. Klárlega viðbrigði fyrir ykkur að fara frá skólaumhverfinu á Ási. Ef þú fært heimþrá Oddný mín láttu mig vita... ég skal senda þér slátur  hehehe

Þú veist ég get sent þér næstum hvað sem er, hihihi... bara að nefna það