Lokaspretturinn

Þá eru það síðustu metrarnir, það er að koma endaleg mynd á verkefnið mitt. Er að fara með herlegheitin í prufuprentun í dag. Verkefnið er í A3 standandi og hef ég ekki getað prentað út í A3, þannig að það verður spennandi að sjá hvernig það kemur út. Er svo að fara til Ås á morgun að hitta leiðbeinandann minn.

Hér snjóar bara og snjóar, verðum að fara að moka af þakinu yfir innganginn og af útihúsunum(geymslunum), komið 80-90 cm þykkt snjólag.

Svavar hjólar í skólann þó svo að snjói, hann er jú á negldum. Hann var að keppa í handbolta síðasta fimmtudag, kepptu reyndar innbyrðis. Það eru þrjú lið hér í hans aldursflokk og unnu þeir. Hann er með góða þjálfara, það er einn yfirþjálfari og tvær konur sem eru aðstoðarþjálfarar. Auk handboltaæfinganna með sínum flokk, fer Svavar á æfingu hjá strákunum sem eru einu ári eldri og svo á styrktar og þrekæfingar á föstudögum.

Ég uppgötvaði í gær muninn á "gönguskíðum" og gönguskíðum. Þegar að ég kom hér út keypti ég ódýr gönguskíði á fjölskylduna, mjög ódýr. Skórnir eru reyndar fínir en í gær prófaði ég skíði, sem reyndar eru keppnisskíði, og munurinn var hreint út ótrúlegur.  Þannig að nú er bara eitt að gera, fjárfesta í nýjum gönguskíðum. Frá okkur og út í skíðabrautir eru ekki nema 200 metrar. Algjör lúxus.

Við erum símasambandslaus, er alveg hætt að skilja í þessu. Hvernig er það á Svalbarða ef þetta er svona hér?? Það eru reyndar ekki tré þar. Það vantar vind hér, sitja mörg tonn af snjói í trjánum en það virðist minka radíóbylgjurnar þannig að við getum ekki notað netsímann.

 Næst þegar ég skrifa hér inn verð ég vonandi búin að skila af mér lokaverkefninu

Athugasemdir

[Gunna (IP-tala skráð) 2.3.2009 kl. 09:18]

Gangi ther vel a sidustu metrunum :)

[Sigtryggur (IP-tala skráð) 4.3.2009 kl. 10:13]

Já mig grunaði þetta líka þegar við fórum í það að versla þessi skíði.

En það er kannski eins gott að þau séu ekki góð þar sem okkar liggja óhreyfð upp á háalofti ala. fótanuddtæki.

Bið að heilsa öllum í Norge og þá meina ég öllum :)

[Anna Viðarsdóttir, 6.3.2009 kl. 22:26]

Jæja, stóra stundin loksins að renna upp. Samgleðst þér innilega og er mikið spennt fyrir þessu. Hlakka til að sjá þetta, svo að ég tali ekki um að sjá þetta uppkomið á Patró. 

Knús frá Önnu og Alla