Vorið er komið og bíllinn minn ........

er orðinn norskur. Það er sem sagt búið að skrá hann yfir á norsk númer og það kostaði ekkert lítið og var tveggja daga prosess. Það má eiginlega segja að ég sé að kaupa bílinn aftur, kostaði 46.607 norskar krónur og reiknið þið svo. Þegar ég gerði þetta stóð norska krónan í 18 miðað við íslensku krónuna. Það er fáránlega mikið fyrir gamlan bíl sem maður er búin að eiga í mörg ár og svo sakna ég íslensku skiltanna.

Annars er allt gott að frétta héðan vorið á næsta leiti, í gær fór hitastigið upp í 11 gráður en það er frost á nótunni. Nú er varla meira en 30-40 cm snjólag í garðinum og hlánar skart. Það er ennþá snjór í gönguskíðabrautunum en ef hitastigið verður við það sama, sem það lítur út fyrir, verður snjórinn ekki lengi að hverfa, það er og verður reyndar mjög gott að sjá loks í bera jörð.

Þessa dagana er ég að klára að koma okkur fyrir í húsinu það var allt sett á bið vegna mastersverkefnisins, þannig að nú hverfa kassarnir ein af öðrum og orðið þokkalega í geymslunni og þvottahúsinu.

Ég búin að senda inn nokkrar fyrirspurnir og atvinnuumsóknir, krossa svo fingurna og vona það besta.

Bið að heilsa í bili.

 

Athugasemdir

[Anna Viðarsdóttir, 4.4.2009 kl. 20:09]

Hey Oddný. Nu må man nok snakka norsku við þig, ikke satt? Ég hef den fölelse að þú hættir bráðum at forstå meg. Skal jeg fara til norsk kurs? Ég tek svona norskuna í bland, svo að du forstår meg betur. Hvernig gekk det hos mér? 

Hilsur,

Anna "frænka"

p.s. Hvernig er hljóðið í bílnum núna? Er hann kominn með norskan hreim?  Hehehe!

[Steinunn (IP-tala skráð) 14.4.2009 kl. 21:14]

Hæ Oddný.  Það er ekkert gefið þarna í norge.  Svo sem ekki hér heldur. Ertu búinn að fá einhverja vinnur þarna úti?  Ertu búinn að heimsækja hana frænku mína eitthvað?  Hef smá áhyggjur af henni að hún einangrist með krílíð í sveitinni og geri ekkert fyrir sig sjálfa.  vona að þið hafið það gott og vorið fari að koma til ykkar þarna úti.  Kveðja og knús frá Steinunni